رئيس التحرير
عصام عثمان
رئيس التحرير التنفيذى محمد ربيع
محمد ربيع
محمد ربيع

علي عيني ياأمي

الثلاثاء 15/أغسطس/2017 - 02:43 م
مسكت يداي وضغطت عليها بقوة، كأنها أرادت أن تصل رسالة وهي في ساعتها الأخيرة "كن قويًا".. فهمتها جيدًا تماسك من أجل بناتي وإبني الصغير وصيتي أوصيتها لك منذ أقل من عام تذكرها ولا تنساها.. ولكن لم تخبرني أنها أصبحت لا تحتاج إلي مرة آخرى.. سامحيني فقد حملتك علي يداي ووضعتك في التراب إيمانًا مني بأن الله ارحم منا جميعًا عليكي.. أوصيتيني ولكن لم توصي أحد علي.. يامن كنتي في قلبي وعمري سري وراحتي.. نفذت الجزء الأول من وصيتك وأنا لا أعلم سر قوتي في أن أحملك أضع جثمانك في التراب كان معي كل من أحببتيهم في حياتي كان معي حبك وحنيتك علينا جميعًا.. كان معي خمسون عاماً من عمرك لم تفعلي فيها سوي زرع الحب.
أمي وخالتي وأختي وحياتي لا انسي لك حضنك القوي وأنا أتزوج وأنتي تقفي لي وانا انزل من السيارة وحملك لمحمود ابني في عقيقته لتفخري انك جدته لا بل الحقيقة ان يفخر هو انكي جدته ..لم تفارقيني في اي لحظة فرح .
خالتي علي عيني ياامي اني كنت من حملك لبداية سعيدة في حياة جديدة وضعناكي بجوار اغلي الناس جدتي فسلاما لارواحكم ..نفذت وصيتك لاثبت انك انجبتي رجل احتضنت كل طلبات بناتك ولن اتخلي عنهم طال في عمري بقية لن اخذلك لانك لم تخذليني يوم .. علي عيني يااعز الاحباب اني تركتك لوحدك ولكن عزائي انك بأذن الله في جنات الخلد .. لو تشعري بي الأن ستعلمي انني ضعفت جدا بفراقك سيبتيني احلم بنهاية مش عارفها .. هخد بالي من امي وولادك وولادي وهتفضلي في قلبي ، اقسم بالله انا اشد الناس حزنًا لأنني لن اجد من يحنو علي فمن سيراسلني كل يوم علي الواتس ليطمئن علي ، فاكرة ياخالتي لما كنتي بتقوليلي ايه الي مصحيك بدري ولا اما نسيت يوم جمعة ابعتلك الصباح قولتيلي الاجازة خدتك مني طيب فاكرة لما عملت عملية وكلمتيني من السعودية وانتي في عمرة وعيطي وكان الدكتور منعني من الكلام قولتيلي مقولتش ليه فاكرة ياخالتي وصيتيني بأيه تاني اخد بالي من امي ومزعلهاش واربي محمود وحلا انهم يبقوا حنيين زيك فاكرة لما روحت اسكندرية في شهر العسل وعزايمك الي مخلصتش فاكرة لما بلغتك ان مراتي حامل وكنتي بتصوتي في التليفون من الفرحة وقولتيلي هتجيب محمود فاكرة ساعة اما نزلت انتخابات قولتيلي عايزة صورة ليك احطها ادامي فاكرة اني هنساكي انا الوجع الي جوايا يكفي العالم بس وقفت قوي عشان وصيتك ، بس مقولتيليش هعمل ايه من بعدك واوصي مين علي عيالي .
انا واثق في رحمة ربنا وعدله وصيتي ليكي تسلميلي علي ابويا وجدي وجدتي وخالتي وخالي شريف وقوليله انا فاكره وفاكر ايامه الحلوة والواد حمادة قوليله خالك تعب بعدكم قوووي ، وقولي لبابا فرحان بيا ولا خيبت ظنك ، وقولي لجدي عملت بوصيتك ولا لا اوعي تنسي ياخالتي تزورني وتقوليلي علي حالك وتطمنيني عليكي وعلي حبايبي .
مستنيكي يااغلي الناس مستني وجهك البشوش ومتقلقيش علينا هنعمل كل الي قولتي عليه .

إرسل لصديق

هل تؤيد التناول الإعلامي الحالي لقضايا الإرهاب

هل تؤيد التناول الإعلامي الحالي لقضايا الإرهاب