رئيس التحرير
عصام عثمان
 
ads

طبق ميكس حلو مع الشيف "ياسمين عماد "

الثلاثاء 20/فبراير/2018 - 03:48 م
الوسيلة
وفاء الشربيني
تقدم لكم "ياسمين عماد" طبق كله ميكس غريب كدة بس بيدووووب فـ بقك وانت بتاكل 😋 ، تعالو اعرفكوا عليه ..
💥 الطبقة الأولي ميكس كيك وبسكويت ✋
💥 الطبقة التانية كريم كراميل وعليه كاسترد فانيليا
💥 الطبقة التالتة ميكس تشيز على كريمة وقشطة وفوق صوص كراميل وحاجه قلة ادب خالص 😂😂
احنا متفقين ان اي طبق تعمله لازم تعمله بحب ❤ اعتبر نفسك بتشقى عشان ف الآخر تنول نتيجة مُرضية لكل حواسك 😂

💢 الطبقة الأولى
💠 البسكويت 💠
انا بفضل يتعمل بيتي ، لأنك هاتخدميه بالزبدة أحسن وتوفيراً لأنك تشتري بسكويت جاهز والموضوع بسيط .
1⃣ حضري مقاديرك ( كوبايتين دقيق ، كوباية وربع زبدة نوع نضيف ، باكو فانيليا ، معلقة جوز هند مطحون ، كوباية سكر بودر ، رشة بسيطة كيك شيف ، بيضة وياحبذا تكون بلدي )
2⃣ الزبدة بدرجة حرارة الغرفة هتنزلي بيها ف بولة العجن وتضربيها بمضرب البيض وبعدها البيضة وتضربي لحد مالونها يفتح وتعلى وبالتدريج تحطي السكر وبعده الفانيليا ثم جوز الهند واخيرا الدقيق ومتضربهوش بالمضرب ، لمي كويس بايدك وخدي بالك من لمي يعني متعجنيش عشان البسكوت ميطلعش يابس .
3⃣ ولعي فرنك وجهزيه ع حرارة ١٨٠ .
4⃣ افردي العجينة ع ورقة زبدة بالنشابة وشكليه وخلي السمك ميزدش عن ٢ سم ، ادهني ورقة زبدة بالزبدة وحطيها ف الصاج ورصي البسكويت ودخليه الفرن وهياخد وقت من ١٠ ل ١٥ دقيقة ع حسب فرنك
5⃣ بعد ماتطلعي البسكويت ويهدى اطحني الكمية اللي تحبيها فـ الكبة .

💠 الكيك 💠
1⃣ حضري مقاديرك ( كوباية دقيق ، بيضة ، كوباية زبادي ، معلقتين صغيرين كيك شيف ، ربع كوباية عسل ابيض ، ٣ معالق زبدة كبار ، معلقة فانيليا سايلة )
2⃣ ف بولة العجن انزلي بالزبدة والبيضة الاول واضربي كويس وبعدين الفانيليا وبعدين الزبادي ثم العسل واخيرا الدقيق وبردو متضربيهوش بالمضرب بايدك زي زمان 😉 ( عشان تطلع هشة كدة )
3⃣ حضري فرنك ع حرارة ١٨٠ ، ادهني الصنية زبدة ودخلي الكيك .
4⃣ بعد مايخرج ويهدي بردو اطحني الكمية اللي تحبيها فـ الكبة .

💢 الطبقة التانية
1⃣ مقاديرك ( باكو كريم كراميل ، باكو كاسترد فانيليا ، ٣ معالق سكر بودر ، كوبايتين لبن كبار )
2⃣ دفى اللبن مجرد تدفيه ودوبي فيه الكريم كراميل ومعلقتين كاسترد والسكر وارفعيه ع نار هادية مع استمرار التقليب لحد مايتقل .

💢 الطبقة التالتة

1⃣ مقاديرك ( اي نوع برطمان صغير جبنة كريمي نضيف او علبة كيري او حتى علبة نستو مش هتقول لا ، كوباية كريمة لباني بودر ، فنجان عسل ابيض ، فنجان قشطة ، ربع كوباية لبن )
2⃣ اضربي كللللل ده ف الخلاط او الكبة .

💢 التحضير والتقديم
1⃣ فـ صنية التشيز كيك حطي البسكويت والكيك وامزجيهم ببعض وعليهم رشة صوص كراميل .
2⃣ انزلي بالكريم كراميل ودخليه التلاجه نص ساعه .
3⃣ بعد ماتطلعيها م التلاجة حطي الكريمة وساويها وصوص الكراميل ودخليها تاني .
4⃣ طلعيها تهدى وقطعي وبردو حطي كراميل 😂❤😋

إرسل لصديق

ads
ads
هل تتوقع فوز محمد صلاح بجائزة افضل لاعب في العالم

هل تتوقع فوز محمد صلاح بجائزة افضل لاعب في العالم
ads
ads
ads