رئيس التحرير
عصام عثمان
 
ads

محمد حسن يبدع في كتابة الأشعار بالعامية

السبت 08/سبتمبر/2018 - 03:19 م
محمد حسن يبدع في
محمد حسن يبدع في كتابة الأشعار بالعامية
روان إيهاب
أرسل محمد عبد الحميد حسن لـ"الوسيلة نيوز" أحد أشعاره التى يقوم بإلقائها يعمل كدكتور صيدلي، يعيش في القاهرة
وكانت إحدى قصائده كالتالي :

* لو كانت فعلا بتحبك *

مبقاش جوايا حاجات للناس
غير جرح كبير من كتر ال أاااااه
واللى انا حبيتهم
مشيوا خلاص
وسابولى الجرح ف ليلى القاه
يا فراق مستنى ليه هليت
على قلبى بسرعة
ومستعجل
ما تسبنى اعيش وياها
يومين
دا انا دايب فيها
ومتبهدل
دى ان غابت يوم عن عينى
بكون
مهموم وحزين
مش بستهبل
ما تقولى يا قلبى هتعمل ايه
اهى راحت وانت بقيت وحدك
هتعيش جوايا وتبقى حزين
والا انت هتفرح وهتضحك
هو انت بجد بتعشقها
ولا انت بتكدب على نفسك
مش يمكن تضحك لفرائها
ولا انت الجرح خلاص كسرك
ما تفوق يا حزين
واعرف قيمتك
لو كانت فعلا بتحبك
مكانتش توافق على غيرك
ما تفوق يا حزين
سيبك منها
والا انت هتفضل مستنى
وتقولى ما يمكن ترجعلك
لو كانت فعلا بتحبك
كات حطتت ايدك ف اديها
ولا لبست ف اديها الدبلة
ولا رسمت كحل على عنيها
ولا قعدت جنبه وتتصور
وانت ف احلامك وياها
ليه ما زلت بتسرح وتفكر
الله يخليك سيبك منها
بكرا الايام هتأكدلك
ان انت زمان كنت هواها
وانت كنت هتفضل تعشقها
انا هخرج منك وانساها

إرسل لصديق

هل تتوقع نجاح حسام البدري مع المنتخب المصري

هل تتوقع نجاح حسام البدري مع المنتخب المصري
ads
ads