رئيس التحرير
عصام عثمان
 
ads

أسامة كمال يقدم مقدمة قوية عن طه حسين

الخميس 15/نوفمبر/2018 - 11:23 م
الوسيلة
شريف الديروطي
أفتتح الإعلامي أسامة كمال، برنامجه بمقدمة قوية عن الذكرى 129 لميلاد د. طه حسين،قائلا"د. طه هو واحد من أوائل الناس اللى زقت باب المغارة المقفول عشان تبص على الأفكار اللى ورثناها جيل ورا جيل بدون تفكير عشان يقف ويناقش بقسوة، لكن بعلم، مش بجهل وغوغائية وطولة لسان، ناقش كل فكرة أو رأى مش من المقدسات".
وأضاف كمال عبر برنامج " مساء dmc"، اليوم الخميس، أن " كتير من أهل عصره شافوا أفكاره شاذة وغريبة، وشافوه على بعضه ميال للغرب وجاى يخربها لحد ما المجتمع قدر يتحمل أفكار طه حسين اللى بتخالف التراث وناس كتير فى مصر اعتنقوا أفكاره ومصر كلها استفادت من أفكاره الاجتماعية اللى كان أولها إن التعليم حق لكل الناس كالماء والهوا".
وتابع " طه حسين الذى ولد فى عصر كان من حق كل واحد يأخد فرصته كاملة، وفكرة الفرصة الكاملة فى مصروفرصة كاملة تكون متاحة عشان تطلع كل قدراتك وتدافع عن أفكارك وتقنع الناس أو يقنعوك وتأخد حقك بلا غوغائية، غوغائية اللي بيقول أنا مفكر بنفس اسلوب بيكا وشيكا وسواقين التوك توك".
وأضوح مقدم مساء dmc"، الفرصة الكاملة اللى كانت متاحة خلقت جيل النهارده بنسميه جيل الرواد والتنويرين والعلماء الكبار ورجال البنوك العظام والكفاءات النادرة اللى شالت الحمل عشرات السنين ورا بعضن لحد ما الجيل ده سقط واحد ورا التاني ولم يتبقي منهم أحد، موضحا العصر الذهبي اللي الناس بتتكلم عنه في الستينات، الحقيقة ماكانش نتاج الستينات انما كان نتاج عشرين تلاتين سنة قبلها، لأن زي ما كلنا عارفين وبنقول، لو عايزين نتيجة محترمة للتعليم والثقافة محتاجين عشرين سنة نخرج فيهم أجيال".
وتسائل" هل شعارنا شعار مرحلة طة حسين والفرصة الكاملة المتاحة للجميع وللا شعار خطر ما يمرش ولو مش خطر ه يمر، ماتستناش لحد ما يبقى خطر، فماتعديهوش ، أم النجومية لبيكا وشطا شبه مصر صلاح جاهين والسنباطي وحليم وحتى شكوكو، وللا شبه مصر العتبة جزاز والسح الدح امبو ".

إرسل لصديق

من سيتوج بكأس مصر

من سيتوج بكأس مصر
ads
ads
ads