رئيس التحرير
عصام عثمان
 
ads

5 أطباق شهية للكندوز والبتلو والضانى

الأحد 18/أغسطس/2019 - 03:21 ص
5 أطباق شهية للكندوز
5 أطباق شهية للكندوز والبتلو والضانى
حنان محمود
تبحث كثير من النساء عن طريقة عمل الموزة سواء الضانى او البتلو او الكندوز فى فترة عيد الاضحى حيث تتواجد أصناف عديدة من اللحوم داخل كل اسرة فى هذا الموسم.

نعرض لكم طريقة عمل الموزة فى المنزل بجميع انواعها البتلو والضانى والكندوز سواء فى الفرن أو مطبوخة بخطوات نخبة من خبراء الطهى المتمزيين فى طهى هذه النوعية من اللحوم.

طريقة عمل الموزة البتلو للشيف عماد الخشت
مقادير موزة بتلو بالفواكه المجففة
كيلو موزة بتلو
كوب فواكه مسكرة مشكلة
نصف كوب مشمش مجفف
نصف كوب زبيب
نصف كوب تين مجفف
نصف كوب لوز مقشر
ربع كوب صنوبر
ربع ملعقة صغيرة مستكة
كوب ماء مغلي
كوب فراولة 3
ملعقة كبيرة خل بلسمي
أرز بسمتى
نصف ملعقة صغيرة حبهان بودرة
نصف ملعقة صغيرة قرنفل ناعم
ملعقة صغيرة قرفة ناعمة
ربع كوب زيت
2ملعقة سكر بني

طريقة عمل موزة بتلو بالفواكه المجففة
* سيحي المستكة فى الزيت ثم شوحى اللحم مع ملح وفلفل مع اضافة الماء كل فترة و تركها لمدة 20 دقيقة
* ضيفى اليها الفواكه الفريش و غطيها
* ارفعى اللحم لترتاح ثم اهرسي الفواكه للصوص
* ضيفى الى الصوص الفواكه المجففة و تترك تغلى ثم ضعى اللحم ثم الصوص
* حمصي اللوز و الصنوبر و ضعيهم على اللحم
* ضعى السكر البنى مع الخل البلسمى فى طاسة واتركيه حتى يقصر
* ضيفى الفراولة و اتركيها تتكرمل ثم تقدم مع اللحم و الارز بالهنا

طريقة عمل الموزة الضانى للشيف شربينى .
مقادير موزة ضاني بالفاصوليا
موزة ضاني
فاصوليا بيضاء
جزر
بصل
ثوم كرفس
فلفل حار
مكعب مرقة
زبدة
خل بلسمي
ملح فلفل أسود
كمون
زعتر فريش
صلصة عصير
طماطم
توابل
زيت
ماء دافئ
ورق لورا

طريقة عمل موزة ضاني بالفاصوليا
* تشوح اللحمة في طاسة على النار مع الزيت وورق اللورا ونضيف زعتر ومكعب مرقة وتوابل
* يفرم البصل والجزر والكرفس في الكبة ثم نضيف الثوم ثم نضعه على اللحمة ويقلب مع الزبدة
* نضيف الفلفل الحار والكمون ثم الخل وصلصة وعصير الطماطم ونقلب جيدا
* نضع ماء دافئ وملح وفلفل وتترك لتغلي ثم نضيف الفاصوليا وينقل لطاجن
* يدخل فرن ساخن حتى تكتمل نضجها ثم تقدم

طريقة عمل الموزة الضانى فى الفرن لغادة عاطف
مقادير الموزة الضانى :
3 معلقة كبيرة خل
معلقة صغيرة فلفل اسود مطحون
مكعب مرقة لحم
قرن فلفل أصفر حلو
قرن فلفل أخضر حلو
رشة جوزة الطيب
رشة حبهان
3 معلقة كبيرة عصير ليمون
2 بطاطس مقطعة
2 جزر
بصلة مفرومة
بصلة مقطعة مكعبات
2فص ثوم مهروس
2 معلقة كبيرة زبدة
معلقة صغيرة ملح
ثمرة باذنجان مقطعة مكعبات
كيلو موزة ضانى
نصف معلقة صغيرة بهارات لحمة
نصف لتر عصير طماطم

طريقة عمل الموزة الضانى فى الفرن :
- تتبل قطع اللحم بالبصل المفروم والثوم وجميع البهارات والليمون والخل وتغطى وتترك فى الثلاجة مدة ساعتين.
- نضع الموزة فى طاسة بها معلقتين من الزبد ونقلبها من جميع الجهات مدة خمس دقائق حتى يحمر لونها.
- فى نفس الطاسة نضع مكعبات البصل ونقلب حتى يصفر لونة ثم نضيف البطاطس والجزر ونقلب حتى يذبلوا.
- نقلى مكعبات الباذنجان فى زيت ساخن غزير حتى يحمر لونة ثم ينشل على ورق ماص للزيت ثم يرص فى الطاجن.
- ترص قطع اللحم فوق الباذنجان.
- نضع البطاطس والجزر والفلفل الألوان فوق اللحم.
- نتبل عصير الطماطم بمكعب مرق اللحم وفلفل أسود والبهارات.
- نضيف عصير الطماطم فوق الموزة الضانى ثم ندخله فى الفرن مدة نصف ساعة أو لحين ان ينضج يقدم مع أرز ابيض.

طريقة عمل الموزة البقرى للشيف شربينى
مقادير الموزة البقرى بالفتة :
موزة
عيش
محمر
بصل
أرز
طماطم
جزر
ورق لورا
حبهان
ثوم
خل كرفس
مرقة
ملح – فلفل
زبادي
زيت عباد الشمس

طريقة عمل الموزة البقرى :
* اسلقي الموزة في ماء وجزر وكرفس وبصل وورق لورا وحبهان
* سوي الارز مع قليل من السمن و الماء على النار وقلبيه جيدا
* افرمي الثوم باستخدام كبة كهربائية وضعيه في حلة بها زيت على النار مع مكعب مرقة
* افرمي الطماطم باستخدام الكبة لعمل العصير واضيفيها للثوم في الحلة
* ارفعي الموزة من الحلة وضعي عليها قليل من الصوص وادخليها الفرن حتى تحمر
* في طاسة على النار ضعي الزيت مع ثوم مفروم مع زبادي ونشا وخل وقلبيه جيدا لعمل صوص أبيض
* في بولة زجاج كبيرة ضعي الأرز وعليه العيش المحمر ثم الصوص الأحمر ثم الأرز والعيش والشوربة ثم الارز ثم صوص احمر ثم صوص أبيض ثم الموزة وقدميه .

طريقة عمل الموزة الكندوز للشيف شربينى :
مقادير الموزة الكندوز :
موزة كندوز
بطاطس
بصل
طماطم
صلصة
مرقة
كرفس
جزر
زعتر
ملح فلفل أسود
كمون
بهارات
بصل بودرة ثوم بودرة
ورق لورا
ثوم
زبدة
زيت

طريقة عمل موزة كندوز :
* تلف الموزة حول بولة حتى تأخد شكل دائرى ثم توضع فى طاسة ساخنه و تحمر مع زبدة و زيت من الجانبين ثم ترفع من على النار
* يوضع بصل و ثوم مفروم مع مكعب المرقة و ملح وفلفل في نفس الطاسة
* تضاف التوابل كلها مع مرقة و الكرفس والجزر المفروم و الزعتر و يقلبوا جيدا
* تقطع البطاطس حلقات او مكعبات و تحمر فى زيت غزير
* ترفع البطاطس بعد التحمير فى الطاسة مع باقى المكونات ثم تضاف الطماطم المفرومة و الصلصة
* يضاف القليل من الماء الى الخليط و يترك ليغلى ثم يرفع فى بايركس او طاجن للفرن
* توضع الموزة على الخليط و تدخل الفرن حتى تكتمل النضج تماما وتقدم ساخنه بالهنا .

إرسل لصديق

من سيتوج بكأس مصر

من سيتوج بكأس مصر
ads
ads