رئيس التحرير
عصام عثمان
 
ads
دنيا أيمن
دنيا أيمن

«الحضن» اللي مات!

الخميس 20/أبريل/2017 - 10:41 م
عارف ساعات لما تلايقهم قربوا.. فتخاف تقرب.. ويقربوا زياده فتقول نجرب.. ويتقلب القرب حب.. فيبعدوا فتخاف تعاتب، وان عاتبت يعاندوا.. ولما تسكت يبقي العيب عليك.

ساعات مش بنعرف نفرق بين السكات وبين الكلام فبنختار الكلام، بس في وسط الكلام عيننا بتدمع والدموع تشيل الكلام، وتخاف حد يسمع، او يشوف فتمسحها، ونرجع تاني للسكات.. انت مش عارف تعيش لوحدك، ولا عارف تعيش ليهم، واما بنتعب من التفكير نقول احنا كويسين.. وكلها يومين وهنرجع تاني طبعيين بنقول كلام اتقال كتير.

رعشه صوتها في ازيك كان اقوى من كلام كتير اتقال بعديه، بقالها سنين بتشتاق بس جواها، وكانت راضيه تموت في هواه عشان حبه بيحيها، كانت بتخاف عينها تيجيي في عيونه ليكشفها، وتفتح قلبها ليه وتقوله انها محبتش غيره، وهو يرد ويقولها، ويوصفها، ويمدحها، وويقولها، كام واحد يتمني تقوله الكلمه دي بس هو شايفها زي اخته، ومش ممكن هتبقاله وتمنع دموعها تنزل وصوت قلبها المكتوم، وترد عليه بكل برود نكون اخوات وايه المانع وتيجيي، على نفسها ليه، وتتعب ليه عشان كلام مش اتقال من نفسه محدش غيرها، بيحس احساسها، بس بتحمد ربنا، ان موجود في حياتها وانها مقالتش اي كلام، وانى مفيش دموع نزلت وتبدا تتنهد براحه وتتاوب.

وتبدأ تحلم انو هيجاله في يوم ويقولها انها هي اللي في باله ،وهو اللي بيتمنها، وهو اللي بيحلم انها تشاركه احلامه، الحب مش بندور عليه ولا بنفرضه على نفسنا، ولا ينفع نبرمج نفسنا اننا نحب اللي ادامنا، عشان دا اللي ادامنا، الحب مش محتاج حد يدور عليه بيجيي لوحده مش هغصب عليك، واقولك حبني عشان بحبك لو مقولتش الكلام دا من نفسك مش عايزه.

ربنا يكفيك شر وجع حد مش بيحبك، وهو بالنسبة لك دنيتك اللي انت عايشها، نفسك اللي انت بتتنفسه، عيني مش بتضحك الا معاك ضحكتي مش بتطلع من قلبي الا معاك بعاملك معامله، ام لأبنها مبزعلش منك، ولو زعلت بمجرد ماسمع صوتك، او صوت نفسك او اما تقولي ازيك، واعمل نفسي مقموصه مبكونش زعلانة، بكون عايزك تحسسني بأهميتي عندك بحب اشوفك وانت بتصالحني بشوفك هتستحملني ولا لا.

احساس ان حد فاقد سيطرتك ع كل حاجه في حياته وع نفسك هو ايه بيوصلنا للنقطه دي وليه؟!، طب ازاي نرجع من النقطه دي، ولا هو كدا خلاص لازم نستني المشاكل تتحل مع الزمن، اكيد كل حاجه هتتحل وكل المشاكل هتهون بعد شويه بعد سنه اتنين تلاته بس اكيد مش هنفضل كدا يعني، هي جالها كتير واتحبت اكتر وحاولت مع نفسها تنسي كتير وتتعود على غيره بس ازاي، وهي مش شايفه غيره، وهي عاشت كل حاجه حلوه معاه وكانت بتتمنى وجوده بس معاه من غير اي حاجة، وراضيه بتعبها حتي بس يكون معاها هتيجيي على نفسها تاني طب تحب ازاي غيره، وهي كانت بتتمناه هو وبس من الدنيا دي كلها.


مينفعش تبقي انانيه مينفعش تنسي حد بحد مينفعش تظلم معاها حد، ازاي تقوله لغيره انها بتحبه، وبتتمناه وهي عايشه في خيالها معاه هو هي حبته هو واتمنته هو وكل دا عاشته معاه!، بقت خايفه تشوفه عشان متجريش عليه بس الصدفه دي كانت بتستناه حاجات كانت بتمنعها، انها تروحله وتقوله انو واحشها كانت نفسها تتكلم بس هي عارفه لو شافته هتجري عليه، ومش هتعمل اي حاجه غير انها تعيط بس.

البعد يطول عادي هتسناه في مكانها، هي مش سهل تلاقي زيه وهو مش يسهل ينساها، هي مهما حاولت تنسي صورته دايما في خيالها ذكرياتهم مع بعض ادامها، مفيش حد بينسى حد بيحبه هو بيتناسي بس كلنا بنعمل كدا بنكدب ع نفسنا ونقول نسينا، وعاييشين بس مجرد ما الصدفه تيجيي ونتجمع في مكان تبتدي قلوبنا فيهاا حاجه تتحرك، عشان كدا احنا مبنساش احنا بتناسي عشان نعيش والدنيا تعدي.

هو ازاي يكون في حضنها، ومعاها النهارده، وبكرة يبقى مش موجود ومطلوب انها تنسى، هي مش مرتاحه من بعده ومش مبسوطه وهي جمبه ولا لاقيه في بعده الراحة، هو لازم يبقى معاه عشان تحكيله اللي تاعبها صورته مغابتش ولا كلامه اتنسى، الفرحه مش بنحسها الا مع اللي بنحبهم الحياه بتبقي واقفه ولا اي حاجه بيبقي ليها معني في بعدهم، هي ليه اماا بتفرحنا بتبقي شايله كارثه وليه اما بترجعنا بترجع تفرقنا ليه الحب الذكري بيعذب.

اناا نفسي اماا نرجع نفضل مع بعض بس ازاي دي حاجه صعبه او مش مكتوبلنا، حبه ليها كان لحظات ندم علي كلامه اللي قاله ليها، وعلى كلمه بحبك اللي قالها ترجم قربهم لبعض غلط، وقالها ان احنا اخوات وصحاب، حبها وقالها انو بيحبها، وانو مضحكش عليها وانو فعلا اتمني انها تفضل عمرهاا كله معاه بس صحاب اخوات، حبها لحظات وندم على اللحظات هي راضية، انها انبسطت معاه وانو حبها في يوم من الايام وقالها، انو بيحبها حتي لو كان حب لحظات، واتفقو يبقو اخوات واصحاب، وهي رديت بكل برود نكون اخوات وايه المانع!.. مهو ندم على حبه ليها وقالها انو كان حب لحظات.

إرسل لصديق

هل تتوقع نجاح حسام البدري مع المنتخب المصري

هل تتوقع نجاح حسام البدري مع المنتخب المصري
ads
ads