الوسيلة : قصيدة "مصر العزة" " للشاعرة الواعدة : ملك كمال سيد (طباعة)
قصيدة "مصر العزة" " للشاعرة الواعدة : ملك كمال سيد
آخر تحديث: الجمعة 06/05/2022 03:51 م
قصيدة "مصر العزة" " للشاعرة الواعدة : ملك كمال سيد

"مصر العزة" .. شعر : ملك كمال سيد
.............
يا مصر
يا أم النصر والعزة
يا مصر
بنحبك منصورة
حتى لو كان
في ماتش كورة
نلبس علمك طرابيش
ونرسمه عالقماش
يامصر
يا أم التوب الوردى
لون خد الصبية
لما الخجل
على وشها يعدي
يا مصر
يا أم التوب الأخضر
لون زرعك
اللي علي ضفاف نيلك
على نسمة هواكي بيتمخطر
ونيلك جاي جري من الحبشة
مشتاق بيحضن
ويتوب في شهد
التراب ترابك
وتراب مروى
بدم شهداءك
ينبت منه أبطالك
الشجعان أبناءك
بعشق ألوان علمك
من سواده كحل للعين
والأبيض لون قلب المصريين
والأحمر لون دم كل معتدى
يفكر بس يعتدى
عليكى يانور العين
يامصر
يا أم النصر والعزة
يا مصر
بنحبك منصورة
حتي لو في ماتش كورة